Llangréu nun quier apagase

  • 29 Payares, 2018

Los comerciantes y hosteleros de Llangréu protagonizarán mañana una concentración ya un preslle ficticiu el fin de selmana pa facer ver comu sedría la Cuenca’l Nalón ensin la so presencia. Dellos comercios asturianos súmense a la aición y presllarán les sos puertes mañana en seña de protesta

El vienres 30 a les ocho y media la tardi el parque Dolores Duro de La Felguera sedrá l’escenariu d’un actu revindicativu en sofitu de los negocios del conceyu. Con elli, comerciantes y hosteleros quieren visibilizar ante los sos vecinos y veceros la difícil situación que tan pasando por mor de la competencia deslleal de les grandes superficies y conciencialos de que, pa que les perres queden nel conceyu ye imprescindible consumir nel conceyu. “Otra cosa ye conderganos a ser pueblos pantasmes” destaquen, y nesi sen repiten la esperiencia de Les Arriondes, simulando el fin de selmana el preslle dafechu de los sos negocios, con rótulos de “Véndes” o “Alquílase”, apagando lluces ya empapelando escaparates.

Na campaña, que tien por llema “Llangréu apágase, apoya’l piqueñu comerciu”, participen más de 400 establecimientos que denuncien les altísimes cargues impositives y la competencia que suponen las grandes superficies, nun intre nel que’l preslle de la minería y l’ausencia de cualisquier proyeutu de reindustrialización faen de los negocios autónomos cuasique la única opción viable pa trabayar y pa dar vida al conceyu.

La campaña d’apagones siguiráse el vienres, de magar les 18:45, en toa Asturies, cola reflesión ¿Cómo quies que se vean el to barriu y la to ciudá?

Redaición InfoAsturies

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies