Visto nel Facebook “El Inmundo”

Voi cuntavos una hestoria risondera que sirve para ilustrar la falta de rigor periodísticu y l’enfotu remanador qu’atesora la prensa de calter estatal: Preséntovos a les PatrioQueens: la nueva tribu urbana catalana que ruempe los dogmes de la drecha

Preséntense como la nueva estrema drecha y defínense como transesuales, patriotes y antiindependentistes. Siéntense españoles fasta la médula, tán a la drecha de VOX y tienen un ideariu que nun falta de los míticos “Skinheads”.

¿Nun veis na estraño en tou esto? 🤔

(Ye un fake y dáu el nivel de la prensa d’esti país, onde les dan tómenles, siguímos-y el rollu al autor de la publicación…)
Los que nun ven nada raro son los periodistes del diariu El Mundu que-yos dediquen un artículu onde suelten “perlles” como que van defender la unidá d’España cola so llucha a la que denominen “la purga”, anque la mio frase favorita ye “cuesta atopalos, pero tán pegando fuerte”.

La verdá ye qu’a güeyu nun paecen un grupu d’estrema drecha, quiciabes-yos delata’l prietu col xándal bolivarianu de Venezuela, el Piolín na bandera d’España, los brazaletes cola bandera gai, o a cencielles el so aspeutu…pero pa El Mundu tou ye bien normal.

¿Sabéis por qué cuesta tantu velos per Cataluña? Porque en realidá son un grupu punk asturianu que ta descoyonándose de la prensa española faciendo una parodia precisamente’l 20-N…y metió-y un gol pela escuadra a El Mundu

That’s all folks!!!

En realidá creo que los Black Panthys coláronyosla a El Mundo a finales d’ochobre, pero cuando coyó vuelu esti “fantásticu y oldeáu artículu d’investigación” ye precisamente a raigañu del 20-N. Yá sabéis que cualquier cosa val para fustigar a la malísima Cataluña…

This work is licensed under a Creative Commons Attribution 4.0 International License.