Comunicáu contra la estratexa del chantaxe de les multinacionales

  • 21 Payares, 2018

La CSI robla un comunicáu conxuntu con ESK, LAB y la CGT denunciando’l chantaxe de les empreses multinacionales

ESK (Sindicatu de converxencia d’izquierdes vascu navarru) LAB (Sindicatu nacionaliegu vascu) la CGT (Sindicatu llibertariu y anarcosindicalista d’España) y la CSI (Corriente Sindical d’Izquierda, sindicatu asturianu) vienen d’espublizar un comunicáu conxuntu nel que recueyen la denuncia, non por obvia menos grave, de la fuerte influyencia que les multinacionales  tienen sobre los gobiernos, y más concretamente, la facilidá cola que les grandes empreses imponen la so política llaboral.

“Dicir que les multinacionales tienen una gran capacidá pa chantajear, pa imponer la so política llaboral a los distintos gobiernos, dicir que cunten con numberosos cómplices, que son empreses transnacionales dafechu deshumanizaes que se sofiten en relaciones de poder y xerarquía, que disponen de los medios de comunicación al so antoxu pa amosar la so cara más atenta, ye dicir una obviedá”.

Estes polítiques llaborales, continúa’l comunicáu, emprobecen los salarios y precaricen les condiciones sociales y llaborables nuna insaciable gueta de más beneficios. “Róbenmos dos vegaes, una comu trabayaor@s nes fábriques y otra comu ciudadan@s defraudando al traviés del impuestu de sociedaes, comu denuncia’l sindicatu de téunicos de facienda, repatriando los sos beneficios a paradisos fiscales onde tienen les sos sedes”.

Nel casu asturianu, multinacionales comu Arcelor Mittal utilicen el chantaxe comu estratexa de negociación, siempres xugando cola desllocalización como menacia. La CSI denuncia que, frente a esta estratexia de chantaxe, hai sindicatos que faen el xuegu a la empresa, evitando la confrontación pol porgüeyu personal y semando la llercia ya’l esmolecimientu pente los trabayaores.

La estratexa de les multinacionales nun estrema por país, poro, estos cuatro sindicatos proponen la creación de víes de coordinación y solidaridá pente los estremaos cientros de trabayu, unificando problemátiques y plantegando lluches en común pa desixir planes de futuru, d’emplegu, de viabilidá y caltenibilidá con unes condiciones llaborales y sociales dignes.

“Quiérenmos aisllaos ya en solitú, alcontrarános en comuña”

 

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies