• Portada
  • >
  • Economía
  • >
  • España fae públiques les sos autopistes pero subirá’l peaxe del Güerna

España fae públiques les sos autopistes pero subirá’l peaxe del Güerna

  • 14 Payares, 2018

N’España les autopistes entamen a ser de baldre, entantu n’Asturies prepárase la subida de  tases ya incluso se plantega cobrar pol usu d’autovies que fasta agora yeren de baldre

El ministro de Fomento español, José Luis Ábalos, confirmaba en rueda de prensa el pasáu vienres 9 de Payares que l’autopista AP-1, que enllaza Burgos-Armiñón, pasará a ser de baldre de magar el 30 del presente mes, fecha na que vence’l contratu de concesión col grupu Itínere pasando a ser pública comu anticipare’l gobiernu que pasaría con más autopistes de peaxe.

L’autopista AP-1 conviertese asina na primera en suprimir el so peaxe y pasar a ser pública y de baldre, pero nun sedrá la única. N’Avientu del 2019 asocederá lo mesmo cola autopista AP-7 nel tramu  pente Tarragona, Valencia y Alicante y cola autopista AP-4 Sevilla-Cádiz, pertenecientes al Grupu Abertis.

Otres tres autopistes de peaxe, como la AP-7 (nel tramu Zaragoza-Mediterráneo), la AP-2 (Tarragona-La Jonquera) y la AP-7 (ente Montmeló y el Papiol), culminen los sos contratos en 2021. De seguir l’actual política, eliminaríense los peaxes, puesto que la disposición ye la de non prorrogar los contratos de concesión d’autopistes al so vencimientu.

Al mesmu tiempu, déxase abierta la posibilidá d’implantar nueves tases por usu d’autovíes, lo que se traduz p’Asturies nuna subida del peaxe del Güerna y munches posibilidaes de que se quiera facer pagar pol usu de la Y-griega y l’Autovía minera.

La propuesta de l’Asociación d’Empreses Costructores y Concesionaries d’Infraestructures (Seopan) ye imponer un peaxe xeneral d’ente 1 y 3 céntimos por kilómetru pa los turismos y d’ente 5 y 14 pa los vehículos pesaos. El viaxe a Madrid costaría alrodiu de 9 euros más pa coches y 45 más pa camiones; de llegar a implantase en toles autovíes, dir de Xixón a Uviéu costaría un euru.

Seique anicialmente’l Güerna finaba la so concesión nel añu 2021, lo que permitiría l’anulación del peaxe nun plazu de menos de 3 años, l’ampliación de la mesma al 2050 siendo Francisco Álvarez-Cascos ministru de Fomentu allarga fasta los 75 años la duración del peaxe que xune (o separta) Asturies y la Meseta. El rescate abulta caru al estáu español y el “Principado” niégase a subencionar les tases.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies