Los caberos datos recoyios pol SADEI (Sociedá Asturiana d’Estudios Económicos ya Industriales espeyen la pérdida de 5.714 asturianos por motivos vexetativos, con 4.364 nacimientos rexistraos y 10.078 defunciones. Si se fae el recuentu añalmente, la diferencia pente muertos y ñacios supera ya los 7.000 habitantes, faciendo albidrar que si nun se revierte la tendencia -daqué poco probable- tendremos tamién un record a esti nivel.

L’amenorgamientu de les muyeres n’edá fértil n’Asturies (tamién el más baxu dende que se guarden datos) el retrasu a más de los trenta años de la edá de nacimientu del primer fíu, la emigración de la mocedá y l’ausencia d’unes condiciones de vida minimamente dignes que permitan plantegase la formación d’una familia n’Asturies, xunío a la emigración forciada (que suma nel caberu añu cerca les 30.000 persones, pente les que colen a España y les que busquen emplegu n’otros países) tan na base de lo que dende munchos seutores entama a considerase una triba de Xenocidiu anunciáu del Pueblu Asturianu, cuyes consecuencies trescienden lo económico p’adentrase na perda de tresmisión cultural ya’l riesgu de desapaición de tolo que nos define como pueblu.

Nuria Prendes