• Portada
  • >
  • Economía
  • >
  • Concentraciones de denuncia de la dependencia del sistema xudicial español

Concentraciones de denuncia de la dependencia del sistema xudicial español

  • 8 Payares, 2018

La sociedá asturiana manifestaráse esti sábadu 10 de Payares pa denunciar la sumisión del sistema xudicial español a la banca, que pon en pelligru el drechu de miles d’asturianos a recibir de vuelta les perres que se yos timaron al roblar les hipoteques

El descréditu de la xusticia española xorrez con cada sentencia, pero la vuelta atrás de la decisión del Tribunal Supremu de Xusticia Español no que cinca al pagu del impuestu por actos xurídicos documentaos da una vuelta más a la cuestión, al ser evidente el cambiu de la decisión del tribunal p’adautase a los deseyos de la banca.

La incertidume a la que se somete a los ciudadanos con promeses cruciaes n’un y otru sen, con sentencies retractables y gobiernos que se oponen, pero non, a les decisiones de los sos propios tribunales, da llugar a una situación con tintes surrealistes que namás pueden concebise nun país corruptu y vendíu a la banca comu ye España.

Miles d’asturianos carecen les consecuencies de tar sometios a esti sistema seudodictatorial nel que los drechos ciudadanos tan en continuu entedichu, polo qu’amosarán la so refuga al sistema xudicial español nuna concentración que tendrá llugar el sábadu diez de Payares a les doce y media, a les puertes del Tribunal Superior de Xusticia d’Asturies (TSXA) na Plaza Porlier d’Uviéu ya en Xixón na Plaza del Parchís.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies