Albandi estrena Comisión de Festexos

  • 6 Payares, 2018

La nueva agrupación inagúrase con un magüestu/esfoyaza esti Sábadu 10 de Payares
Albandi renueva la so plantiya fiestera cola creación d’una Comisión de Festexos, integrada por delles persones del pueblu de mui estremaes edaes que comparten l’enfotu en que les festividaes de la parroquia nun se pierdan.

Entamen con ganes, retomando la tradicional cellebración del Magüestu/Esfoyaza, eventu qu’amás da nome a la asociación: “Esfoyaza”.

La que sedrá la so primer folixa y la so presentación oficial tendrá llugar esti Sábadu 12 de Payares, na cancha polideportiva tres del CIR d’Albandi (a techu) y nella, amás de sidre’l duernu y les castañes podrá esfrutase d’una prestosa amuesa d’enriestramientu de panoyes y de los xuegos pa la reciella, acompangao too de música del país. Un “photocall” permitirá a los asistentes inmortalizar el momentu.

La folixa ye abierta y dende la Comisión de Festexos Esfoyaza convíden a los llectores d’InfoAsturies a participar nella.

 Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies