• Portada
  • >
  • Asturies
  • >
  • El marafundiu de los Fondos Mineros orquestóse’n Madrid

El marafundiu de los Fondos Mineros orquestóse’n Madrid

  • 31 Ochobre, 2018

Dientro’l desmantelamientu progresivu d’Asturies ya del so texíu económicu y social, el preslle de les mines ye quiciás la mayor traxedia que sescudió el país na nuesa hestoria reciente. Agora sabemos que foi una traxedia orquestada dende Madrid, aceutada pol gobiernu del “Principado” y aprofitada por sindicalistes traidores

Na so declaración ante la Unidá Cientral Operativa (UCO) de la Guardia Civil, en calidá de testigu na investigación del ‘casu Hulla’, cientráu nel desvíu de fondos públicos y pagu de sobornos pa la costrución de la residencia xeriátrica propiedá del Montepíu de la Minería en Felechosa (Ayer) Juan Miguel Benítez Torres, esxerente del Istitutu del Carbón, afirmó que la concesión de les descomanaes ayudes pa la costrución de la mesma, foi “estraña” ya vino impuesta dende Madrid.  Asina vien de declaralo Benitez, quien reconoz que s’entregaron les perres pesi a que’l proyeutu nun cumplía los requisitos, “porque asina vieno ordenao pol PSOE”, entós nel gobiernu d’España.

Otra de les informaciones que salieron a la lluz na investigación ye la declaración por parte d’un emplegáu de la empresa concesionaria de la obra afirmando que’l Montepío Mineru dio la orden direuta d’aumentar el preciu de les factures en diez millones d’euros pa xustificar les perres desviaes.

El tiempu y les prebes van dando la razón a Andecha Astur, que foron el primer partíu en denunciar publicamente, nel añu 2002, el desfalcu de los Fondos Mineros, llevando en delles ocasiones el casu al Parlamentu Européu, pidiendo la intervencion de la OLAF ya entamando una dura campaña, destapando una rialidá por toos conocía y por toos silenciada, “bien porque los beneficiaba direutamente, bien porque nun tuvieron el valor precisu pa llantar cara a esta auténtica mafia que taba destruyendo’l texíu industrial y socio-económicu asturianu a cambiu de “Perres y puestinos”, la filosofía de la mafia’l PSOE-SOMA-UGT cola que consiguieron faer d’una Asturies puxante, un país n’onde prima la precariedá, el paru y la emigración”.

En resume, los Fondos Mineros quedaron en Madrid y colo qu’aportó a Asturies pagose a los llíderes sindicales de la UGT,   pa qu’achantaren y consintieren el preslle les mines. La mafia PSOE-SOMA-UGT arruinó Asturies, dexándonos un escenariu de  paru, precariedá, probitú ya emigración forciada.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies