Nun tamos preparaos

  • 30 Ochobre, 2018

Lo que pasó esta selmana col temporal ye un bon espeyu de comu tamos n’Asturies. Nun tamos preparaos

Ochobre, cuasi payares, ñeva. Val, sí, que foi la ñevaona del sieglu y que pa les feches foi mui gurdia. ¿Tan gurdia comu pa que quince mil asturianos quedaren ensin lluz, más de siete mil quinientos por dos díes? ¿otra vegada? más de dosmil de los 15.000 asturianos que carecieron cortes de lluz y teléfonu siguin ensin ello, daqué que se repite añalmente temporal tres temporal ensin que les lléutriques faigan res, esceuto subir la factura.

¿Tan gurdia comu pa que les comunicaciones col restu’l mundiu (ya en dellos casos pente nosotros) quedaren cortaes? El tren lleva más de dos díes ensin cruciar a España, nueve puertos tuvieron presllaos y l’autopista del Güerna foi malpenes transitable, con cortes intermitentes.

1.300 rapacinos ensin colexu.  Cais y carreteres rurales anubries, coles cunetes y alcantarielles atascaes por falta caltenimientu. La recién remodelada cocina de la Residencia Mista de Xixón, anubría, nun se iguó cuntando con que n’Asturies podía llover. Ganaeros recoyendo a toa priesa el ganao de los montes, mesmo pente la ñeve, atascando con camiones les carreteres, porque naide fexo casu al avisu de temporal. La mazana ensin pañar, polo mesmo.

 

Que nun me venga naide con que ye cosa del tiempu y nun hai na que facer: nos países del norte ñeva, diez, venti vegaes más fuerte qu’equí, ñeva y llueve y non por ello la vida apara. El temporal taba avisáu, sabemos lo que pasa porque la cabera gran llaceria por esta mesma causa foi va siete meses, n’abril, sábese lo qu’hai que facer pa que nun pase, pero nun se fae. Lo qu’hai equí ye falta de previsión, pasotismu, desidia y la tranquilidá de que naide, más que la población, va pagar les consecuencies.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies