Lluz verdi a la costrución nel espaciu protexíu de les Dunes del Espartal

  • 24 Ochobre, 2018

El proyeutu de costrución de viviendes nes Dunes del Espartal (Castrillón) sigui alantre pesi a contravenir l’actual marcu llegal, resalvando los allegamientos presentaos

Los vecinos de la fastera y los miembros del Colectivu Ecoloxista d’Avilés nun son a creyer la noticia recoyida nel BOPA de güei, nel que s’informa de la continuidá del proyeutu, qu’implica la costrución d’un complexu urbanísticu en primer llínia del complexu dunar.

La finca onde pretende costruyise, propiedá de la empresa Aldergarten, atópase dientro de la Zona Especial de Caltenimientu (ZEC) Cabu Bustu a Lluanco y tien aprobáu l’I Preséu de Xestión Integráu d’espacios protexíos nel tramu costeru entre Cabu Bustu y Lluancu. Nesa zona tán presentes numberosos hábitats d’interés comuñal: les dunes embrionaries (dunes móviles primaries), los gorbizales mediterráneos y oromediterráneos primarios y los secundarios, con dominiu de xenistees.

La costrución afeutaría bultablemente l’actual sistema dunar, dexándolu ateyabana  énte esti ataque a un Monumentu Natural, polo que’l Coleutivu Ecoloxista d’Avilés lleva tiempu desixendo al “Principado” que paralice’l proyectu.-

La finca en cuestión tien una superficie de 44.111 m2. de los que seríen urbanizables 30.000 m2 y nella ta prevista la costrucción d’hasta 208 viviendes.

A los ecoloxistes abúlta-yos sosprendente qu’Aldergarten mercare la finca cuando yá yera oficialmente una zona protexida, polo que los valores ambientales de la mesma yá taben protexíos nel momentu de la compra. La única desplicación que ven ye que se trate d’un “pelotazu urbanísticu” antemanáu, lo qu’agrava notablemente l’acusación.

Redaición InfoAsturies

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies