• Portada
  • >
  • Conceyos
  • >
  • Les ordenances d’Asturianu de Grau someteránse otra vegada a votación el miércoles viniente

Les ordenances d’Asturianu de Grau someteránse otra vegada a votación el miércoles viniente

  • 24 Ochobre, 2018

Un “defeutu de forma” na convocatoria -les fotocopies nun taben impreses a una cara- fuercia a repetir dafechu el Plenu nel que  s’aprobaron les ordenances d’asturianu de Grau, ante la menacia de los conceyales de Foro, FAC y NAA d’impugnalu

Albídrase que cuandu se repita el plenu, el miércoles que vien, nun va variar el resultáu, ya que les Ordenances de Normalización Llingüística foron aprobaes colos votos favoratibles de los 9 conceyales d’Izquierda Xunida (IX) y los 3 del PSOE, tando en contra namás los de Foro, un de FAC ya otru de NAA, polo que’n principiu la impugnación nun tien más sentíu que’l de dar vueltes al asuntu y retrasar l’aplicación del reconocimientu d’un drechu.

Al plenu acudió un garrapiellu de moscones que nun quisieron perdese l’intre en que se reconocieren llegalmente los sos drechos, un momentu que definieron comu “hestóricu ya emocionante”.

Con esta normativa Gráu sumaráse a los conceyos asturianos que, si bien nun gocien d’Oficialidá plena, si contemplen esplicitamente’l drechu de los asturfalantes pa utilizala nes sos comunicaciones oficiales, afitando la eficacia xurídica del usu alministrativu de la llingua asturiana, reforciando la presencia de la llingua’l país nel conceyu y convertiéndola de fechu na llingua de comunicación cola alministración en dambos sentíos.
Nuria Prendes
.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies