Nueves movilizaciones del profesoráu asturianu

  • 17 Outubro, 2018

Güei entama l’enzarru de docentes nel Institutu Mata Jove de Xixón, en revindicación de la recuperación del  horariu lletivu

Pa dellos profesores y sindicatos la entrada nel gobiernu español de Pedro Sánchez abrió la esperanza de poner fin a la política de retayos impulsada pol Partíu Popular. Nel ámbitu educativu falóse de la derogación del RD impuestu por Wert y Montoro que significaron un vraeru hachazu a la Escuela Pública. Trescurríos daqué más de cuatro meses, les esperances esmorecen.
La Confederación sindical STES alerta énte’l pelligru que supón el que Gobiernu central nun tea adoutando denguna midía presupuestaria que garantice dar pasos concretos nel sentíu de revertir los retayos. L’Alcuerdu de Presupuestos Xenerales del Estáu presentaos polos Secretarios xenerales del PSOE y Podemos nun dedica dengún aumentu significativu nel gastu d’Educación que permita amenorgar les ratios d’alumnáu per aula o les hores lleutives del profesoráu.
Esti parón va tener ensin dulda consecuencies na situación de la Escuela Pública asturiana. El pasáu mes de setiembre rompió la xunidá sindical na Mesa Sectorial de negociación cuando ANPE y UXT refugaron la propuesta presentada pola Conseyería d’Educación na Mesa Sectorial, que permitiera un alcuerdu pa restablecer les 18 hores lleutives en Secundaria y reorganizar dos hores complementaries nel horariu de Primaria. Anque la propuesta foi calificada d’insuficiente per parte del sindicatu asturianu d’enseñantes, SUATEA, siquier dexaba asegurar una reivindicación central como ye la naguada torna a les 18 hores, entamaba la reorganización horaria en Primaria y facilitaba l’apertura d’un procesu de negociación posterior pa aldreicar sobro otros aspeutos tamién rellacionaos con hores lleutives como l’amenorgamientu pa profesoráu mayor de 55 años, el cumplimientu del Alcuerdu de Plantiyes en Primaria y Educación Infantil o l’amenorgamientu a 23 hores lleutives en Primaria ya Infantil.
Quienes refugaron la propuesta dedíquense a tresmitir un mensaxe de tranquilidá al profesoráu asturianu” que los fechos desmienten acaldía.

El Real Decretu nun foi entá derogáu y, cuando eso asoceda, ábrese la vía p qaue cada Comunidá regule la nueva situación como crea conveniente colo qu’el restablecimientu de les condiciones llaborales anteriores a la crisis económica nun va ser automáticu, nin inmediatu.
Nel casu d’Asturies vimos que dende la Conseyería remánase un abanicu ampliu de posibilidaes que nun asegura, nin de lloñe, esa torna darréu a les condiciones anteriores a la crisis que quieren faenos creer los sindicatos non roblantes.
Tou esto lleva al profesoráu asturianu a entamar otra vegada les movilizaciones  p’algamar les 18/23 hores lleutives. Nesa llínia convoca un enzarru que va entamar güei  nel IES Mata Xove de Xixón, con concentraciones nes puertes de los centros de Secundaria’l díe 18 y en Primaria’l díe 23, amás d’un plantón de delegaos y delegaes sindicales el mesmu 18 frente a la Conseyería.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies