• Portada
  • >
  • Mundiu
  • >
  • Díi Internacional de la Soberanía Alimentaria

Díi Internacional de la Soberanía Alimentaria

  • 15 Ochobre, 2018

El Movimientu Internacional Vía Campesino convoca para esti martes el Díi Internacional de la Soberanía Alimentaria, dientro’l que se va cellebrar esti llunes una sesión informativa a cargu del colleutivu Güeligaites, na plaza 6 d’agostu de Xixón, a les 6,30 y el martes una concentración a les 6 frente al Teatru Campomaor (Uviéu), entamada pola Campaña Asturiana pola Soberanía Alimentaria

La Soberanía Alimentaria (términu acuñáu pol Movimientu Internacional Via Campesino) acomuña movimientos que trabayen pola agroecoloxía y les granes llabradores, pola xusticia climática y medioambiental, polos drechos de les persones llabraores, pola reforma agraria y pola dignidá y los drechos de les persones migrantes y de los trabayaores asalariaes y asalariaos, pescadres, riberanes, indíxenes, etc..

Esti movimientu denuncia que les polítiques neolliberales emburriaron a cientos de millones de llabraores a abandonar les sos práutiques agrícoles tradicionales, al ésodu rural o a la emigración, al priorizar el comerciu internacional a l’alimentación de los pueblos, reforciando la industrialización de l’agricultura, poniendo en pelligru’l padrimoñu xenéticu, cultural y medioambiental del planeta, mesmo que la nuesa salú.

Dende 1996, millones de campesinos de tol mundu, de pueblos indíxenes, de comunidaes pesqueres, de pueblos nómades y pastores, y de trabayaores del campu  ensin tierra, articulaos na Vía Campesino, punxeron enriba’l tapete internacional el contrapuntu de la Soberanía Alimentaria, que supón el drechu de los pueblos, comunidaes y países a definir les sos propies polítiques alimentaries, que seyan ecolóxica, social, económica y culturalmente afayaices a les sos circustancies, reclamando l’alimentación como un drechu.

Estos principios yá tan poniéndose’n práutica n’abondos llugares del mundu; de manera resumida puede dicise que ye un conceutu a favor de l’alimentación sano, de la tierra, de la semiente, del clima y de la vida, contra la fame que produz el capitalismu.
Nesa llinia, el Conseyu de Drechos Humanos de la ONU aprebó apocayá la Declaración de Drechos del Campesináu, cola astención del gobiernu español.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies