• Portada
  • >
  • Economía
  • >
  • Fomento nun utilizó’l 38% de los fondos destinaos p’Asturies

Fomento nun utilizó’l 38% de los fondos destinaos p’Asturies

  • 10 Ochobre, 2018

Col ferrocarril amorrentando por falta d’inversión, les grandes obres viales prauticamente paralizaes y la rede viaria en situación llaceriosa, de magar el 2015 quedaron ensin utilizar cuasi 300 millones d’euros destinaos a obres públiques n’Asturies

A piques de ser presentáu’l proyeutu pal prósimu presupuestu del estáu, los datos recoyíos nos informes del Ministeriu de Facienda espeyen que, de los 772 millones d’euros concedíos nes cuentes estatales pa obres públiques n’Asturies dende xineru del 2.015 dica xunu del 2018, utilizáronse namás 478’2, ello ye, aprosimao un 62%. El restu foi esviáu a obres fora d’Asturies o devueltu al erariu públicu español. Calcúlase que colos fondos esviaos a obres d’otros territorios o aforraos al erariu, 292,8 millones d’euros, bastaríen pa terminar la variante Payares y l’autovía del surocidente.

El dineru concedíu pa obres como la Variante Payares, la meyora de los ferrocarriles, puertos, carreteres y autovies,-obres toes non solo necesaries, sinón urxentes pa garantizar la comunicación del país- nun foi utilizáu al completu en dengún de los trés caberos exercicios. Ello ye qu’alrodiu del 40% foi utilizáu n’obres fora d’Asturies o quedó direutamente nel erariu español, ensin posibilidá de ser recuperáu p’Asturies por tener finao’l plazu para’l que foi concedíu.

La obra más perxudicada por esta infrautilización foi la vertiente asturiana de la Variante’l Payares, qu’acumula un total de 279 millones d’euros perdíos. Los ferrocarriles son otros de los grandes perdeores: namás nel últimu añu, Fomentu dexó ensin executar una tercer parte del presupuestu col que cuntaba para invertir nellos.

Llucía F. Marqués

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies