601 desfiucios en mediu añu

  • 9 Ochobre, 2018

Los xulgaos asturianos autorizaron más de tres llanzamientos de desfiuciu al díe na primer metá del 2.018

Acordies los datos apurrios pol Conseyu Xeneral del Poder Xudicial, los xulgaos autorizaron 601 llanzamientos pente Xineru y Xunu del presente añu, catorce más que na mesma temporada nel 2.017.

Ello supón un xorrecimientu del 2,32% respeutu al añu anterior, con una una media de 3’3 desallugamientos -tantu de viviendes comu d’otra triba de llocales, como  oficines, llocales comerciales,  o garaxes- permitios al díe.

Estos nuevos desfiucios vienen a sumar otros 601 casos de families ensin llar que nun son independientes de los del añu pasáu, sinon que se xunten a ellos, algamando una cifra que s’avera a los 4.000 desallugos n’Asturies de magar l’añu 2.014, cifra que podía ser entá mayor de nun ser pola llabor de la PAH que detuvo nesti mesmu periodu de tiempu cientos d’ellos.

Nesti mesmu semestre nel estáu español descendió el númberu de desfiucios que, seique sigue siendo elleváu, marca una tendencia a la baxa: 33.059 frente a los 33.914 del 2.017, lo que señala la diverxencia na recuperación económica d’Asturies frente a la d’otros territorios.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies