José Suárez (Trubia, 1919-Moreda, 1981) fue actor, ye cierto, un de los primeros galanes del cine español, conocí  pos títulos como “Cai mayor” o “Once pares de botes”; pero tamién foi  “Medalla de la Campaña 1936-1939” pola so participación en la Guerra Civil, medalla de “la Campaña de Rusia” como combatiente de la División Azul  y pos so altu espíritu d’entrega al engrandecimientu de la patria, “Medalla de Oro de la Orden de Cisneros”, distinción  otorgada direutamente por Franco, amás d’alcalde d’Ayer baxu’l rexime (puntu esti caberu que reconocen conocer d’antemán, pero al que nun dieron mayor importancia).

L’anterior nome del parque, “Sotu d’Abaxo” nun tinía componente políticu dalu. Sicasí, a los tres partíos petecióyos camudalu,  dedicando amás una placa al insigne ciudadanu. Pente los tres partíos nun hebio quien avisare, naide conocía la hestoria, escaecieren, casualmente, el nome de los nuesos verdugos. Tampocu s’enfotaron muncho n’informase, na web oficial de la Fundación Francisco Franco, José Suárez tien una entrada propia como “actor combatiente en la Cruzada y en la División Azul”. La desplicación ante’l despropósitu sigui la doctrina infanta: un “yo nun sabía na” acompangáu de ximielgue de costazos y dexar a l’Asociación de Vecinos de Trubia la decisión de si quitar o non la placa, pa lo qu’aconceyarán dientro 5 díis.

L’escaezu de la propia hestoria tien consecuencies, y nun son namás les de nun honrar a los que por nos llucharon. Como puede vese, tamién se cuerre’l pelligru de facer homenaxe al enemigu. D’ehí a combayar con elli en nome de la concordia hai un pasu perpiqueñu. Ye’l riesgu que tien ser gobernaos por quien, diciendo defendenos, namás rinden cuentes fuera d’Asturies.