Xixón, capital mundial de la sidre

  • 30 Setembro, 2018

Demientres cuatro díes llagareros, importaores y fasta antropólogos de tol mundiu acudieron a Xixón, non solo a ufrir los sos productos, sinon a conocer nos llagares asturianos el secretu de la meyor sidre

Los diecisiete premios SISGA -otorgaos por un xuráu d’espertos internacionales en tastia ciega-  que foron a parar a productos asturianos, certifiquen la calidá de les sidres del nuesu país. Cincu oros, seies plates y seies bronces foron pa los llagares asturianos, delos 38 premios repartios pente les más de cien sidres provenientes de Xapón, Alemania, Letonia, Francia, Holanda, Italia, Finlandia, Reinu Xuníu, País Vascu, España, Cornualles y Asturies.

Pero más allá d’un concursu y amuesa de sidres -miles de persones pasaron el sábadu pela esposición y tastia abierta cellebrada nel Palaciu Revillaxixéu y la Colexata-  el SISGA ye un aconceyamientu mundial de cultura sidrera nel que, demientres cuatro díes, los participantes comparten non solo les sos sidres y les sos téuniques de producción, sinon, sobro tou,  cellebren al tiempu lo que tienen en común y la so diversidá, apurriendo caún la so cultura venceyada a la sidre -música, vezos, formes de consumu-, y ehí, más incluso que nel tarrén de la calidá sidrera, ye onde Asturies tien muncho qu’ufrir.
Xente d’alrodiu tol mundiu bebiendo, esfrutando y viviendo la sidre al mou que lo faen los asturianos.

 

Nuria Prendes

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies