• Portada
  • >
  • Mundiu
  • >
  • Manifestamientu en Nantes pola reunificación de la Bretaña y el drechu a decidir

Manifestamientu en Nantes pola reunificación de la Bretaña y el drechu a decidir

  • 28 Setiembre, 2018

Delles asociaciones y coleutivos bretones llancen un llamáu a manifestase esti sábadu en defensa del so drechu al atodetermín  y a de la reunificación territorial del so país

Les esperances esconsoñaes pol procesu de reformes territoriales tan presllaes y l’executivu francés tornó a dexar de lláu les revindicaciones populares a favor de la reunificación de la Loire Atlantica a la Bretaña y la so independencia.

«Perdayuri n’Europa, como en Cataluña o n’Escocia y hasta nes posesiones franceses como en Kanaky/Nueva Caledonia, ye’l tiempu de los referéndums, porque correspuende a los pueblos decidir los sos porvenires. Cuntamos que ye tiempu que los y les Bretones, ensin discriminaciones d’oríxenes, seyan consultaos sobro les llendes del so territoriu y sobro les competencies que’l pueblu bretón mesmu quier exercer pa tener más soberanía y democracia (…) ».

Pente los que roblen la llamada a manifestase tan : 44 = Breizh, Dibab, Ti ar Vro Bro-Leon, Ti ar Vro Gwengamp, Ti ar Vro Kemper, Ti ar Vro Landerne-Daoulaz, Centre cultural bretón Yezhoù haiSevenadur, Emglev Bro Karaez, DAO (Deskiñ d’año oadourien), Roudour, Raok (brezhoneg y Kreiz Breizh), La Esquierda Independentista (Breizhistance), el Coleutivu LGBT Breton, Dispac’h, Hai’ta, SHAGT (Saint-Herblain TIEN a Toute Gauche)…

Les asociaciones convocantes informaron tamién de que de magar esti mes de setiembre desendolcarán una campaña nos istitutos bretones pa concienciar a la mocedá de la necesidá de continuar coles revincidaciones.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies