• Portada
  • >
  • Mundiu
  • >
  • Charra sobre desapaiciones forciaes en Colombia

Charra sobre desapaiciones forciaes en Colombia

  • 20 Setiembre, 2018

Güei recibimos n’Asturies la visita de dos activistes contra les desapaiciones forciaes nel marcu’l conflictu colombianu. A les siete darán una charra nel Atenéu Obreru de Xixón

Naya Parra y Zenaida Rubio, son dos muyeres que trabayen contra les desapaiciones forciaes nel marcu del conflictu colombianu. Zenaida conoz el problema de primer man, ya que ye familiar d’una persona desapaecía forzosamente. La primera, Naya, pertenez al coleutivu socioxurídicu Orlando Fals Borda, que trabaya pola recuperación de cuerpos en condiciones dignes de les persones desaparecies nesi país, dientro la Unidá de Búsqueda de persones daes por desapaecies, (UBPD), de gran aida pa les miles de families que carecieren la desapaición forzada en Colombia.

Conozse l’arrestu forciau como l’arrestu, detención o secuestru o cualquier forma de privación de llibertá que seya obra d’axentes del estáu o por persones o grupos de persones qu’actúen cola autorización, l’aquiescencia o encontu del estáu, siguía pola negativa a reconocer dicha privación de llibertá y la ocultación de la suerte o’l paraeru de la persona desapaecía, sustrayéndola de la proteición de la llei.

Entrambes van camín de Xinebra, pa participar nel Conseyu polos Drechos Humanos de la ONU, pero de camín faen parada n’Asturies, onde s’aconceyarán col direutor de l’Axencia Asturiana de Cooperación, col alcalde de Llangréu y col Parllamentu Asturianu, anantes d’aportar a Xixón onde ufrirán una charra abierta al públicu nel Atenéu Obreru de Xixón, a les 7 la tardi.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies