La desinformación ya’l fechu de que nun s’aplique d’oficiu la subida ta faciendo que munches persones dependientes de la pensión de vilbedá nun ten recoyendo’l correspondiente incrementu

La media de la pensión de vildedá n’Asturies taba en 388€, cantidá que medró tres de la cabera subida aprebada pol Gobiernu d’España, por mor de la que, de magar el mes d’agostu les persones mayores de 65 años que tengan como única pensión la de vildedá tienen drechu a un incrementu del porcentaxe de cálculu del importe a percibir, en concreto un subida del 52% al 56%.

L’incrementu nun s’aplicará d’oficiu, sinon que ye preciso dir a solicitalo, lo que ta faciendo que munchos de los posibles beneficiarios del mesmu -xente mayor a les que non siempres ye fácil informase ya iguar papeles- nun ten presentando la correspondiente solicitú. Pa ello tendrán d’averase a les oficines de la Seguridá Social y enllenar el correspondiente impresu.

Sicasí, los que perciban el complementu a mínimos, ello ye, les pensiones más baxes, siguirán cobrando lo mesmo, ya que la cantidá que se yos suba na pensión quitaráseyos de los complementos.

Nuria Prendes

This work is licensed under a Creative Commons Attribution 4.0 International License.