Fernando Alonso nun foi quien a finar la so cabera carrera en Spa… nin a entamala

Na salida, al llegar a la source, Hulkenberg frenó sero, y bloqueó los sos neumáticos, topetando con Fernando Alonso y faciéndolu esnalar. El pilotu asturianu pasó perriba’l monegascu Charles Leclerc, cuya vida foi salvada pol Halo, yá que consiguió qu’el Mclaren  nun y diéra na tiesta. Na recta de Kemmel, tres la allocada salida, Vettel fizo les curves de Eu Rouge y Radilon a tope, cosa que Hamilton nun fizo, razón pola que’l pilotu xermanu  adelántolu  xusto anantes de que’l safety car saliera a pista. Dende esi intre l’aición en pista redúxose a la remontada de Valteri Bottas, de la que puede destacase un pergrande adelantamientu a Brendon Hartley pel esterior de Eau Rouge que recuerda a la mítica pasada de Webber a Alonso nel Gran Premiu de Bélxica de 2011.

La sorpresa de la carrera foi l’equipu racing point Force India, el nuevu equipu de la categoría consiguió quedar quintu y sestu n’ocupando la segunda fila de Parrilla na clasificación con unes vueltes de cuali impresionantes per parte de Checo Pérez y el so compañeru Esteban Ocón.

En resume, la carrera nun tuvo muncha aición, pero tuvo una salida de la que sosprendentemente, nin Alonso nin Leclerc salieron mancaos.

Nel Dos Santos

This work is licensed under a Creative Commons Attribution 4.0 International License.