• Portada
  • >
  • Asturies
  • >
  • Una pancarta de la ponte de Cangues d’Onís protesta contra la visita de los Reis d’España a Cuadonga

Una pancarta de la ponte de Cangues d’Onís protesta contra la visita de los Reis d’España a Cuadonga

  • 27 Agosto, 2018

Esti ye ún de los actos enmarcaos na campaña “Asturies nun tien Rei”, na que  decenes d’organizaciones asturianes, convocaes por Lluchando pola Soberanía, protesten pola presencia de los reis d’España en Cuadonga nel Díi la Nación Asturiana

Na pancarta, que permaneció dellos minutos escolingada de la ponte romana de Cangues d’Onís, podía lleese “Asturies nun tien rei” y “Soberanía y República”, en demanda d’una república asturiana y en refuga de la visita que los monarques españoles pretenden facer a Cuadonga el prósimu 8 Setiembre.

Esta visita ta planeada nuna fecha perespecial, ya que non solo ye’l Díi de la Nación Asturiana, sinon que coincide col 1.300 cabudañu del ñacimientu del Reinu d’Asturies, acontecimientu que la monarquía española pretende remanar al so porgüeyu, apropiándose d’esa efemérides pa entronizar nel nuesu día nacional a la fía de los reis d’España, llexitimizando la so esistencia a costa de falsiar la hestoria apropiándose de la del Reinu d’Asturies -ayenu dafechu al conceutu mesmu d’España- y faciéndose pasar polos sos continuadores, llavando asina la cara de la so istitución nun intre críticu polos escándalos de robu y corrupción.

La campaña tendrá’l so puntu más fuerte coincidiendo cola visita real, el prósimu 8 de setiembre, con una marcha a pie dende Les Arriondes a Cangues d’Onís na que se busca sumar toles entidaes republicanes y d’izquierdes d’Asturies.

Nuria Prendes

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies