Nes trincheres d’Asturies

  • 26 Agosto, 2018

 

Ayeri subí al Abiduriu, Puertu Tarna, comu parte del homenaxe añal qu’Andecha Astur fae a los asturianos que dende allí defendieron el país del avance del facismu

 

 

 

 

Llucía F. Marqués

Diez años ensin subir al monte nin facer esportes pasen factura y la subida, más de tres hores monte arriba pente argumes ya ensin camín foi más una pelegrinación o actu de fe qu’una prestosa excursión prau a traviés.

Dióme tiempu a camentar.

Camenté sobre nosotros, sobre la xente que sigue palantre, seique nun se vea camín, seique paeza una llocura, sabiendo namás aú quies llegar, ya entos yendo; col únicu enfotu de saber qu’otros anantes aportaron, otros de los de nueso, y que por muncho que mos quieran facer ver que ye imposible, puede faese.

Camenté sobre Asturies. Lo que queremos dicir cuando dicimos país. Más allá y perriba (en tolos sentios) de ciudaes, chigres, playes atarraquitaes de turistes, pueblos semiabandonaos y folixes, Asturies ye esto, esti gran animal verdi durmiente, estos paraxes nes que’l ser humanu ye pocu más qu’un acidente casual esporádicu.

Pero sobre tou camenté sobre ellos. Los homes que subieron, munchos dende Xixón, a un monte a 1.800 m d’altor y crearon coles sos manes trincheres na mesma roca, costruyendo una llinia de defensa comparable a la llinia Maginot que quiso aparar el facismu en Francia. Cuando se mos enllena la boca falando de “defensa heroica escontra los exércitos d’España, Alemania ya Italia” nun podemos escaecer estes trincheres, onde los nuesos soldaos, abandonaos por una república española traidora y cobarde, esperaron al enemigu arrechos.

Cuntaba la mio güela que cuando volvíen pa casa, derrotaos, nun alzaben la mirada del suelu de vergoña. Quiero creer que sabiendo que seguimos equí, na llucha qu’entamaron, alzarán la tiesta y sabrán que nun foron derrotaos; non del too.

La llucha sigui. L’enemigu ye’l mesmu.

República Asturiana.

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies