Va 81 años fuimos independientes

  • 24 Agostu, 2018

El 24 d’agostu de 1937 tuvo llugar la postrer proclamación  d’independencia asturiana, pola que’l Conseyu d’Asturies y Llión se declaraba soberanu ya independiente de la República española. Con ella continuaba una tradición independentista entá viva, qu’entamare coles rebeliones del conde Gonzalo Peláez nel sieglu XI  y continuare cola formación de la Xunta Suprema nel 1808

El Conseyu Soberanu d’Asturies y Lleón proclamáu en Xixón el 24 d’agostu de 1937 baxo’l tresfondu de la Guerra Civil Española.foi la cabera istitución política soberana ya independiente na que los asturianos pudieron decidir el so futuru.

Billete de 1 peseta del Consejo de Asturias y León. Los populares "Belarminos"

 

El Conseyu Soberanu, presidíu por Belarmino Tomás, foi gobernáu por una coalición de partios políticos y sindicatos d’izquierdes y anarquistes, cuntando con representantes de les estremaes organizaciones polítiques y sindicales del bandu republicanu n’Asturies, comu la  FSA-PSOE, la CNT, la FAI, les JJLL, la JSU, el PCE, la UGT ya Izquierda Republicana.

 

Na so curtia vida, el Conseyu Soberanu emitió los sos propios sellos y billetes, como amuesa de la so eficiencia ya intención de perdurar nel tiempu. Nel ‘Artículu 1. de la declaración de soberanía dexa nidio la intención de costituyise nun gobiernu independiente y soberanu, permanente, con toles funciones y consecuencies:

“El Conseyu Interprovincial d’Asturies y Lleón, a partir dela fecha y hora de la promulgación d’esti decretu, costitúise en Conseyu Soberanu de gobiernu tol territoriu de la so xurisdición y a elli queden dafechamente sometíes toles xurisdiciones y muerganismos civiles y militares que foncionen o vaigan foncionar de secute dientru’l mentáu territoriu.”

El ministru de Defensa de la República española, Indalecio Prieto, ya’l mesmu presidente Manuel Azaña criticaron duramente la decisión de los asturianos, llegando a manifestar que preferíen una Asturies franquista qu’independiente, como puede lleese nel mensaxe unviáu polos republicanos españoles a los asturianos “Rebeldes de Asturies, ¡rendios!”, con menacies tan clares comu

Resultado de imaxes para asturianos, rendiosEspaña entera, con todas sus fuerzas, va contra vosotros, dispuesta a aplastaros sin piedad, como justo castigo a vuestra criminal locura”

Sicasí y pesi a la oposición esplícita del Gobiernu republicanu, el mismo Conseyu llegó a presentase a la Sociedá de Naciones como entidá soberana propia.

El conseyu Soberanu disolvióse tres de la ocupación total por les fuercies franquistes d’Asturies esi mesmu iviernu. Dende’l Conseyu Soberanu teníase la esperanza na llegada l’iviernu como mediu de frenar les tropes españoles, italianes y alemanes, pero pesi a la heroica resistencia en Tarna, esi añu la ñeve tardó en cayer y l’enemigu finó por trespasar la llende.

La falsa transición política cola que continuó’l franquismu nun permitió recuperar esta auténtica istitución d’autogobiernu, imponiendo por contra y ensin posibilidá de decidilo democraticamente “Principado” venceyáu a la monarquía española ya un Estatutu de segundes, defechu ayenu a la sociedá asturiana, polo que se considera’l Conseyu Soberanu como la cabera istitución democrática del Pueblu Asturianu.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies