El premiu, dotáu con 3.000 €, ta dedicáu al creador de los míticos Telva y Pinón, protagonistes con Pinín nos cómics “Les histories de Pinín, que de Pinón ye sobrín”

El plazu pa presentase al premiu de Cómic Alfonso Iglesias finaliza el prósimu 3 de setiembre y a elli podrán concurrir obres nesti formatu escrites dafechu n’asturianu, cumpliendo coles Normes Ortográfiques de l’Academia la Llingua Asturiana. Pa participar tendrá de presentarse un proyeutu inicial con una estensión mínima de 15 páxines, que valdrá como amuesa de la obra, que la so estensión total algamará polo menos les 50 páxines, ya seya nuna sola historieta o nun conxuntu d’elles.

L’anterior edición el premiu foi por unanimidá pal artista gráficu Alberto Vázquez García cola so obra “Los llazos colloraos”, un cómic ispiráu na posguerra asturiana y del que’l xuráu valoró mui especialmente la llabor d’investigación hestórica.

Llucía F. Marqués

This work is licensed under a Creative Commons Attribution 4.0 International License.