La incongruencia de la esposición sobre’l Guernica en Xixón

  • 17 Agostu, 2018

 

Un exemplu más del escaezu intencionáu de la hestoria propia y del emponderamientu de la ayena

14 d’agostu de 1936: Xixón, una ciudá desmilitarizada, carez un bombardéu fascista col resultáu de 117 muertos. Entamaron a bombardeala el 22 de xunetu y siguieron faciéndolo a diario dica ochobre de 1937. Tolos díes. Una ciudá ensín centros militares. Dende l’aire la Llexón Cóndor de Hitler y dende la mar l’Almirante Cervera de Franco. Eso sí, podemos ver en Xixón estos díes nun sé qué esposición sobro Guernica.

La gran mayoría de los moraores de Xixón desconocen siquiera que la so propia ciudá fore bombardeada pola mesma Llexón y cola mesma virulencia que’l pueblu de Guernika y cada añu por miles aplauden al exercitu que fore l’asesín de los conciudadanos. Menos entá conocen de los bombardeos sobre Cangas, onde nun quedó piedra sobre piedra, o de Tarna, onde’l día 25 sedrá cabudañu d’un bombardéu que nun dexó ni un edificiu en pie nun pueblu de montaña onde la resistencia foi heroica. Sicasí, asienten respigaos ante’l recuerdu d’otru bombardeu, más llonxanu, el de Guernica.

Décades d’escaezu y de desconocimientu hestóricu qu’impide a los asturianos sentir l’arguyu del so pasáu. Nun ye casual.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies