• Portada
  • >
  • Mundiu
  • >
  • Asturies márcase un tantu nel Festival Intercélticu d’An Oriant

Asturies márcase un tantu nel Festival Intercélticu d’An Oriant

  • 15 Agostu, 2018

La carpa asturiana sorprende al fiel públicu bretón cola apuesta d’una nuea xestión, nueves versiones de la gastronomía tradicional y remata con una programación cultural variao

El Celtismu ye un sentimientu que xune dafechu pueblos hermanos a traviés unos vezos, una cultura y una música cuasi común. Sin embargu, comu en toles families, caún tien daqué propio que fae que seya más queríu por dellos motivos.

Esti ye’l casu d’Asturies nel Festival Intercélticu d’An Oriant, Breizh. L’añu pasau, bien que la Delegación Asturiana tuvo presente na que ye capital del mundiu celta, nun pudo gociar d’un espaciu propiu ente los pabellones de la ciudá. Pero Jesús Adrián Rodríguez Álvarez recoyó el testigu de l’anterior xestión y punxo tola enerxía n’una apuesta ganaora: tornar a la casa de nueso al otru llau los Pirineos pa sorprender a toos.

El llema’l festival, dedicáu a Cymru (Gales),dicía qu’esta yera la edición del cantu bardos y la memoria d’ancestros. Bardos comu talo nun aportaren, sino lo más mozo de la música asturiana, Melandru. Tampocu pudieron faltar los grupos que representaron a Asturies nel festiva: la Banda Gaites Villaviciosa, la Banda Gaites El Gumial y el Grupu Baille San Félix. Y nun foron los únicos, dau que también se cuntó col folk cornuallés prodixosu de MacQuarrie and Toms, notes que destremaron Asturies del restu de pabellones, y que también incluyeron rockabilly acadiense y folk intimista escocés. Los problemes téunicos que se dieron puntualmente pudieron ser solucionaos con rapidez gracies a Nicolás Radin, y cuntóse con un puntu d’inforamación turístico de la Conseyería de Turismu d’Asturies.

Les dos tasties de sidres internacionales organizaes poles delegaciones de LA SIDRA y FUNDACIÓN ASTURIES XXI, n’otru tonu cultural, foren de les actividades de tarde más frecuentaes de los pabellones, y gociaren de perbona aceutación. D’esta forma aniciábase’l ciclu de presentación del VIII SISGA, que tendrá llugar los prósimos díis 28, 29 y 30 de setiembre en Xixón. Asina, tolos asistentes pudieron deprender les diferencies ente tipos de sidre y los gustos más marcaos de caún de los 8 países representaos nes tasties, que realizáronse n’asturianu, francés ya inglés.

Nonostante, nun too foren sidres de gala. La sidre natural, emblema del nuesu pabellón, vieno esti añu del Llagar de Contrueces. La cerveza, sicasí, trayía el sellu de SCONE, marca mozo con gran calidá y ufierta. Los dixestivos y el vinu foron de Cangas del Narcea, de Monasteriu de Corias, comu debiera ser más davezu n’esti tipu d’eventos de gran importancia.

Dende equí queremos agradecer tol sofitu y la bona organización a Iñaki Sánchez Santianes, responsable de la Delegación Asturiana, que fexo que’l festival fore más afayaízu entá.

Aymara Glez Montoto

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies