Asturies foi protagonista en Ljouwert

  • 13 Agostu, 2018

La Capital Europea de la Cultura 2018  cellebró del 5 al 12 la Selmana de la Llingua asturiana, averando fasta los Paises Baxos delles pingarates de la nuesa cultura

La reciella de la capital Frisia ya conocen al trasgu y saben xugar a la carreres de panoyes. Les gaites sonaron al par de los canales y los ciudadanos de la que ye esti añu Capital Europea de la Cultura conocen la situación y la problemática de la nuesa llingua.

Gracies a la Fundación AFÙK, responsable´l proyeutu les llingues, l’asturiana cuntó con una selmana de so, lo mesmo que’l gaélicu, el serbiu, el maltés o l’euskera, pente otros, nel Pabellón de les Llingues minoritaries de la ciodá de Ljouwer,

La llingua asturiana destacó, non solo por amosar un abondosu númberu de falantes con respeutu a les otres llingues minorizaes, si non pela ablucante ufierta cultural, incluso con respeutu a otres llingues más protexies.

Nun escenariu d’ambiente mitolóxicu, pastoriáu por Alberto Alvarez Peña ( asociación Belenos), y demientres tola selmana socediéronse conciertos, talleres de mitoloxía asturiana pa neños, esposiciones de llibros y traxes del país, charres sobre la situación actual del asturianu, xuegos tradicionales y otres actividaes que, de la man de Reciella Families pol Asturianu, l’Academia la Llingua,  Xera, Iniciativa pol Asturianu, la Fundación Belenos, la Banda de Gaites la Raitana, musicasturiana.com, la Oficina de Turismu del Principáu d´Asturies ya’l Serviciu de Normalización Llingüística, llevaron la música, la cultura, y sobre tou la llingua asturiana mui al norte, a la ciudá de Ljouwert.

Por supuestu, nun faltó la parte gastronómica y una espicha el sábadu nueche precedió el preslle del domingu, con un segundu conciertu de Xera, acompangáu nesta ocasión pol artista friulianu de Hip Hop DJ Tubet, dando pasu asina a la selmana dedicada a la llingua friulina(Italia).

Simultaneamente Asturies yera coprotagonista nel Festival Intercélticu d’An Orient, dedicáu esti añu al País de Gales, pero nel que la presencia asturiana foi especialmente destacable, colo qu’esta selmana foi importante no que cinca a la visibilización n’Europa de la nuesa cultura.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies