El bar de Rodiles, de titularidá pública, tuvo abiertu al públicu de magar el 21 de Xunetu, pesi a que nesi intre nun taba entá axudicáu a dengún de los tres llicitaores que solicitaron la xestión del mesmu.  L’axudicación llegal tuvo llugar cuatro díes depués, coincidiendo la decisión de la mesa de contratación cola que se tomare de fechu anantes del so aconceyamientu.

El retrasu nes xestiones d’axudicación llevare a que’l bar tuviere preslláu bona parte de la temporada braniega, argumentu col que desplica esta apertura “anticipada” Alejandro Vega, alcalde de Villaviciosa pol Partíu Socialista. Sicasí, nun pudo desplicar comu se supo quien sedría l’axudicáu previamente a la decisión oficial de la concesión.

El resto de llicitadores, un d’ellos maliayu, denuncien que nun pudieron optar a la xestión del bar en condiciones d’igualdá y que’l fechu de qu’abriere dies anantia evidencia que la llicencia taba preconcedía muncho anantia de la decisión oficial por parte de la mesa de contratación.

Demientres los díes que’l bar abrió illegalmente, la llimpieza y caltenimientu de les zones de les que la xestión del chigre ye responsable tuvo a cargu del Conceyu de Villaviciosa.

Nuria Prendes