• Portada
  • >
  • Asturies
  • >
  • Tres acidentes de tren en mediu añu: les consecuencies de la especulación ferroviaria

Tres acidentes de tren en mediu añu: les consecuencies de la especulación ferroviaria

  • 31 Xunetu, 2018

Andecha Astur denuncia que’l desdexamientu de la rede ferroviaria non solo ta xenerando la desconesión xeográfica asturiana sinon qu’entama a poner en pelligru a los mesmos usuarios

“Nun ye que tean escalando les cercaníes asturianes con vista a la privatización de les llinies más rentables, ye que tovía vamos acabar teniendo una desgracia” declaraba Arturu Bermeyu, portavoz de la organización política.

Dos escarrilamientos en siete meses nel mesmu trayeutu,  a los que se suma l’escarrilamientu del Alvia el mes pasáu ya’l del percorríu Trubia-Tinéu en xineru -en total cuatro en mediu añu- ponen de manifiestu p’Andecha Astur que les consecuencies de la falta de caltenimientu del serviciu ferroviariu n’Asturies sobrepasen ya les, de por si graves, dificultades de comunicación, sinon qu’entren nel tarren de la imprudencia y desixen la intervención darréu pa poner fin a esta situación.

Ya depués del acidente del ALVIA, que tuvo llugar a la altura de Villabona el pasáu mes de Xunu, los sindicatos  ferroviarios avisaron de qu’aquel nun sedría más qu’el primer choque d’otros munchos, viendo nestos incidentes la consecuencia de la dexadez nel caltenimientu de les víes y los sos márxenes.

En febreru del 2017 Andecha Ástur, faciéndose ecu de les solicitúes rializaes polos trabayaores, reclamare ante´l Senáu, a traviés d´EHBildu socios de coalición en Los Pueblos Deciden, un plan de modernización pa FEVE n´Asturies  y la reparación del material, treslladando tamién delles entrugues sobre la situación y les medies puestes en marcha y reclamando una actuación inmediata que permita amenorgar les averíes nes maquines y nes infraestructures. Fasta l’intre nun recibieren rempuesta.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies