Kimi Raikkönnen yera’l favoritu para salir de Ferrari, pero cada vez suena más una tercer opción…

Fuentes cercanes al equipu de Maranello, dicen qu’esisten posibilidaes para camudar al completu la so dupla de pilotos. En Ferrari saben que disponen del meyor coche de Parrilla, pero, sicasí, eso nun se ta demostrando en resultancies. Rumoréase que podríen rescindir el contratu de Sebastian Vettel, si l’alemán nun consigue llevar a Ferrari a ganar dalgunu de los dos campeonatos, el de pilotos o de constructores.

La dulda ye, ¿quiénes van ser los escoyíos? La opción más valorada sería la de traer a Leclerc y Checu Pérez, una y bones el monegascu demostró tener talentu de sobra para tar a los mandos d’un Ferrari, y que’l mexicanu ye un pilotu contrastau y que sería un escuderu perfectu, yá que tien una gran capacidá para aforrar neumáticos y puede ayudar al equipu con estratexes bien variaes, amás, Checu Pérez tien daqué que lo fai bien apetecible, patrocinaores.

Y ye que Sebastian Vettel tuvo un gran entamu de temporada, pero carrera tres carrera, el so rendimientu empiora y la gota qu’apinó’l vasu foi l’accidente del Gp d’Alemaña, en Ferrari yá tán enoxaos col baxu rendimientu de Kimi Raikkönnen, y nun quieren tener paciencia col so otru pilotu.

Nel Dos Santos

This work is licensed under a Creative Commons Attribution 4.0 International License.