Festival Marítimu en Xixón

  • 27 Xullo, 2018

Reproduiciones de la Nao Victoria y el Galeón Andalucía van poder visitase xuntes pela primer vegada en Xixón del 19 al 23 de Setiembre

 Xixón íguase pa vivir un eventu esceicional: ente los díes 19 y 23 de setiembr e van poder visitase dos de les naves de mayor sonadía de la hestoria naval española: la Nao Victoria, reproduición fiel del barcu qu’algamó la primer vuelta al mundu con Magallanes y Elcano (1519- 1522) y el Galeón Andalucía, reproduición de los galeones llexendarios españoles que per sieglos ñavegaron pel Atlánticu y el Caribe. Demientres el Festival Marítimu de Xixón van atracar xuntos nel Puertu d’El Musel, onde’l públicu va poder visitalos.

Una cita ensin precedentes na que se va poder contemplar y xubir a les cubiertes d’esos dos grandes barcos, museos flotantes y obres maestres de carpintería de ribera, pa evocar y asoleyar la so hestoria ente los visitantes.

La Nao Victoria ye un barcu de pinu y carbayu, de 26 metros d’eslora y 7 de manga, con 4 palos qu’arbolen 7 veles, construyíu con rigor hestóricu máximu. De magar completó la vuelta al mundu nos años 2004/2006 fixo delles xires per EE.XX. y países d’Europa, como Francia, Reinu Xuníu, Países Baxos, Bélxica, Alemaña, Lituania o Polonia.

El Galeón Andalucía ye un barcu imponente de 55 metros d’eslora, madera d’irocu y pinu, 4 palos y con una superficie de 930 m2 en 7 veles. Ñavegó hasta China pa participar na Expo Xangái 2010 y, en tornando, crució l’Atlánticu pa visitar Santu Domingu, Puertu Ricu, EE.XX. y Canadá, recalando en más de 70 ciudaes como Nueva York, Washington D.C., Filadelfia, Boston, Chicago, Miami, San Xuan de Puertu Ricu, Toronto o Quebec. Anguaño ta realizando una xira d’ésitu pel norte d’Europa.

Miles de persones de tol mundu yá visitaron les cubiertes d’estes naves que, pela primer vegada, van atracar xuntos en Xixón.

 

 

DATOS DE LES VISITES:

Fecha: 19 al 23 de setiembre

Barcos: Galeón Andalucía y Nao Victoria.

Llugar: Puertu d’El Musel (Xixón)

Preciu: Adultu 9€ / Neños 4€ / Familiar (2 adultos + hasta 3 neños) 20€

Horariu: 10:00h. a 19:00h.

Tiques: na entrada’l festival y venta online

 

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies