Xixón, una de les nueve ciudades responsables de la sanción de 12.000 millones d’euros al Estáu español pol tratamientu insuficiente de los sos residuos urbanos

El Parlamentu  Européu lleva avisando de magar l’añu 1991. Toa llocalidá europea mayor de 15.000 habitantes tien la obligación de cuntar con un sistema afayaizu pa depurar les sos agües residuales. Los caberos “escapes” na Sablera San Llorienzu amuesen a les clares que’l sistema xixonés nun ta al altor.

Xunto con Xixón, son otres 8 les ciudades poles que’l gobiernu d’España tendrá que rendir cuentes, un total de 12 millones d’euros más una indemnización semestral dica que s’igüe el problema. El tribunal recuerda-y al estáu español qu’incumplir les normes europees d’agües residuales urbanes non solo daña’l mediu ambiente, sinon que costitúi un “incumplimientu grave” de les direutives europees y que la cantidá d’años que lleva calteniéndose la situación agravalo más entá, refugando les esculpies del Gobiernu español: dificultaes xurídiques, crisis…

La cantidad ye inferior a los 46,5 millones desixios pola Comisión Europea, que llevó a España ante la corte al nun ver progresos a lo llargo los años. La mesma Comisión Europea ta llevando a les cortes europees los incumplimientos en materia d’emisiones contaminantes a l’atmósfera, de los qu’Andecha Astur llevó a los comisionaos de mediu ambiente los datos detallaos referentes a les emisiones  n’Asturies.

Llucía F. Marqués

This work is licensed under a Creative Commons Attribution 4.0 International License.