Esisten perpocos datos fiables sobro la situación y problemática de les muyeres con discapacidá, un coleutivu que ye, según CEMUDIS (Confederación Estatal de Mujeres con Discapacidad), especialmente vulnerable “poles especiales dificultades que torguen a les neñes y muyeres con discapacidá l’acesu a los recursos n’igualdá de drechos que’l restu de neñes y muyeres y que yos permitan una plena inclusión na sociedá”

Ante la falta de datos y estudios disponibles que afonden nesta realidá, CEMUDIS vien d’abrir una encuesta anónima que permita recoyer y visualizar les especiales dificultaes de les muyeres con discapacidaes, ya seya física, sicolóxica o inteleutual. Nella entrúguense datos comu les sos necesidaes concretes, el gradu d’atención recibida no que cinca a esa necesidá ya’l calter públicu, priváu o familiar d’esa atención.

Una vegada obtenios esos datos, procederán a la espublización de los mesmos, visibilizando la situación d’una manera fundamentada que permita concretar les dificultaes y discriminaciones direutes ya indireutes,  comu base d’aiciones que meyoren les sos condiciones de vida asina comu de denuncia y vindicación de los sos drechos.

La encuesta ta disponible n’internet.