Tres cuartes partes de los escolinos con AACC d’Asturies nun tan identificaos

  • 23 Xunetu, 2018

Un 0,59% de los escolinos asturianos tan diagnosticaos comu d’Altes Capacidaes. Albidrase qu’al menos un 2,28% de la población tien altes capacidaes inteleutuales  eso implica que namás la cuarta parte d’ellos tan deteutaos pol sistema educativu y polo tanto reciben l’atención que precisen

El MECD vien d’espublizar les estadístiques colos datos del Cursu 2016-2017 y nelles recuéyese un total de 804 escolinos asturianos diagnosticaos comu d’AACC y que, poro tendríen que recibir una atención específica. La evolución ye emportante, dende los 329 llocalizaos nel añu 2.011, pero siguen siendo menos d’una cuarta parte del total. Los espertos achaquen esti desfase a dos motivos intrínsecamente xunios: el desconocimientu ya’l miéu, sumaos a la neglixencia de los profesores ya cientros educativos, denunciable si ye voluntaria.

La llexislación recueye la importancia de la identificación y la necesidá d’atención educativa específica d’estos escolinos por parte l’Alministración pública:   “Correspuende a les Alministraciones educatives adoutar les midíes necesaries pa identificar al alumnáu con altes capacidaes inteleutuales y valorar de forma temprana les sos necesidades” (LOMCE 8/2013 art. 72).

Pa la deteición de les AACC n’Asturies utilizase’l criteriu basáu na mal pescanciada teoría de superdotación de Los Tres Anillos de Renzulli, desixendo a los rapazos que demuestren alta capacidá, alta creatividá y altu rendimientu pa ser consideraos d’altes capacidaes. La esperiencia diz qu’un superdotáu que nun ta recibiendo la educación que necesita tará desmotiváu ya’l so rendimientu tará incluso perbaxo la media, lo que fae abegoso cumplir la parte d’altu rendimientu. Per otru lláu, los test utilizaos pa calcular el nivel de creatividá llimítense a valorar namás determinaos aspeutos d’esa creatividá, xeneralmente lligaos a la artística, corriéndose’l riesgu de dexar fuera a escolinos con otres tribes d’intelixencies. Amás, son munchos los docentes que, por desconocimientu, por desidia o por falta d’empatía con esti coleutivu nun lleguen a dar el avisu a los orientadores del cientru, que son los encargaos de facer, casu de considerase preciso, les preves pertinentes.

Una vegada identificaos les families denuncien lo escaso d’avezu equivocao de les midies adoutaes, lo que deriva en que, incluso col informe na man, un cincuenta por cientu de les mentes más rellumantes del país protagonicen casos de fracasu escolar y abandonu de los estudios.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies