XXV Descensu adautáu del Sella

  • 18 Xunetu, 2018

El 29 de Xunetu tendrá llugar el Descensu adautáu del Sella, una de le les competiciones esportives d’esta triba con mayor xorrecimientu nos caberos años, cuntando ya con centenares de participantes

Una selmana xusta anantes del Descensu Internacional del Sella cellébrase, dende va un cuartu sieclu, otru descensu menos multitudinariu, menos competitivu y menos mediáticu, pero non por ello menos meritoriu: el Descensu Adautáu del Sella. Esta competición ye la versión pa presones con discapacidá, entamada por FEDEMA, la Federación de Deportes pa Minusválidos físicos d’Asturies.

El percorríu, de 15 Km, fadránlu pareyes conformaes por un discapacitáu y un non discapacitáu. D’esos 15 Km los diez primeros son non competitivos, depués de los que se fae una parada pa xintar, anantes de facer los caberos cinco Km. que costituin la vraera competición.

Esta edición promete ser especialmente reñida, al cuntar dientro de los sos participantes con  Ernesto Fernández, de la seción de piragüismu Ateneu Obreru de Villaviciosa, que cunta ya con una victoria y un segundu puestu y que vien decidíu a recuperar el títulu, pa lo que tendrá de vencer al tamién maliayu “Rei del Sella”, Jonás García.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies