• Portada
  • >
  • Economía
  • >
  • Agresión ye otra cosa: Andecha Astur respuende duramente a les pallabres de Barbón tratando de “agresiones” a les pintaes de los mineros

Agresión ye otra cosa: Andecha Astur respuende duramente a les pallabres de Barbón tratando de “agresiones” a les pintaes de los mineros

  • 16 Xunetu, 2018

Pa la formación política asturiana, les pallabres del presidente son un insultu a los que lo único que faen ye defender el so puestu de trabayu ya’l futuru de les cuenques asturianes

Los mineros lleven tiempu alertando del preslle anticipáu del que ye un de los cinco caberos pozos que queden del que fore’l pegoyu económicu de bona parte’l país, asina comu de les consecuencies económiques y sociales que tendrá el preslle de la minería; al mesmu tiempu apurren opciones de viabilidá que nun tan siendo consideraes pola empresa nin pol gobiernu’l “Principado”.

Va pocu, ante un nueu avance nel preslle del Pozu Carrio, col despidu de dellos compañeros, aniciáronse les movilizaciones qu’incluyeron pintaes nes sedes del PSOE de Lada, La Felguera y Llaviana, asina comu del sindicatu mineru SOMA-Fitag-UXT, nes qu’apaecía una sola pallabra: “traidores”.

Amás de les pintaes, dexaron nes sedes esta nota: “Cuando venís pidir votos defendéis la minería, cuando gobernáis oprimís a la clas obrera y preslláis los pozos; PSOE culpable, PSOE traidor. Por la nacionalización del sector, por la soberanía enerxética, por unos contornos mineros onde poder vivir, vais a dexar les cuenques feches escombru”.

La reación del presidente del “Principado”, Adrián Barbón, foi restar importancia a les movilizaciones de los mineros, declarando que “Tamos avezaos a les agresiones” y tachándolo de “actos vandálicos”, ante lo qu’Arturu Xose Bermeyu, voceru d’Andecha Astur, facía les vinientes declaraciones:

“Agresión ye presllar la mina, el naval, esfacer la industria, la ganadería, reprimir la llingua, españolizar Asturies, condergar a la mocedá a la emigración, al paru, a la precariedá, escalar la Sanidá Publica… non facevos un par de pintaes llamándovos pol nome“.

Pel so lláu, los trabayaores aludios remarquen el cambeu de postura del SOMA ya’l PSOE tres de la so llegada al poder “Vándalico ye dir fai apenes dos años a pidir el votu al Pozu Carrio. ¿Tantu camudaron les circunstancies? nesa dómina los líderes del PSOE y los delegaos del SOMA en Carrio sofitaron la noticia y la semeya, y cuntábennos que la única salida para la minería yera’l PSOE. Agora gobiernen Asturies y España y tán decidíos a presllar. Esto sí ye vandalismu ya hipocresía”

 

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies