Na previsión de docentes espublizada pal cursu 2018/2019, la relación de places vacantes pa profesores de llingua Asturiana a xornada completa amenorgaráse nun terciu respeutu al añu anterior

Son ya asgaya los docentes y equipos direutivos d’estremaos centros educativos que denuncien la tresformación de places a xornada completa n’otres a media xornada, rebaxando’l promediu d’hores de Llingua Asturiana perbaxo les estimaciones feches polos cientros escolares.

Nos cientros nos que s’imparte asturianu n’Educación Infantil nun se tuvieron en cuenta les hores destinaes a esa etapa, mientres que nos istitutos nun se cuenta más que l’horariu d’ESO, torgando que los escolinos de bachilleratu escueyan la opción de llingua. Pa finar, en dellos cientros la orde ye agrupar niveles pa restar hores lleutives d’asturianu, a costa de la calidá de la so ensiñanza.

A l’empeoramientu de la calidá y l’amenorgamientu temporal de les hores dedicaes a la nuesa llingua súmase l’agraviu contra los profesores d’asturianu, interinos na so mayoría, que pierden calidá d’emplegu.

Nuria Prendes