• Portada
  • >
  • Conceyos
  • >
  • #VeleroEnAcción2018 aporta a Tapia pa oponese a la mina d’oru en Salave

#VeleroEnAcción2018 aporta a Tapia pa oponese a la mina d’oru en Salave

  • 7 Xunetu, 2018

El veleru Diosa Maat lleva más d’un mes percorriendo les agües peninsulares, señalando dalgunos de los casos más graves d’ataques al mediu ambiente

La visita a Tapia ta dientro de la campaña #VeleroEnAcción2018, coordinada cola d’Ecoloxistes n’Aición sobro minería, cola que la organización ecoloxista señala l’espoxigue de concesiones de permisos mineros, sollertando de los peligros y daños d’esta actividá que menacia al mediu natural y al bientar de los humanos.
Esta fin de selmana llega a Tapia, onde va axuntase con coleutivos y grupos llocales pa enfrentar la problemática de les mines d’oru de Salave.
L’importante xacimientu d’oru de Salave lleva munchos años costituyendo una menacia pa la redolada, siendo sabio que les sos consecuencies ambientales sedríen bien graves, de manera especial pa los ecosistemes hídricos (llagunes, ríos, mariña), pero tamién pa la población del alrodiu, que vive de la ganadería, de la pesca ya’l turismu.
La movilización ciudadana foi capaz de paralizar en 2014 el caberu proyeutu presentáu pola empresa Ástur Gold Corp., sol nome d’Esploraciones Mineres del Cantábricu, S.L.

Va unos meses la menacia tornó a Tapia: la empresa Ástur Gold, agora sol nome Black Dragon Gold, retomó’l proyeutu y entamó a realizar nuevos sondeos nel xacimientu, gracies a les llicencies concedíes de manera illegal pol Conceyu de Tapia, que les prorrogó  irregularmente, polo que foi denunciáu nos xulgaos pola plataforma local “Oru Non”.
El veleru d’Ecoloxistes n’Acción va aprofitar la so parada en Tapia pa visibilizar la llucha coleutiva en contra de los diversos proyeutos mineros qu’acesmen la zona y conocer les novedaes nuna xunta colos coleutivos llocales.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies