La noticia del posible interés del Real Uviéu en fichar al xugaor ucranianu, conocíu pola so pertenencia a la ultradrecha del so país, ofiende a los aficionaos

El xugaor, venceyáu al partíu ultranacionalista Pravy Sektor, declárase almiraor del grupu paramilitar “Batallón Azov”, involucráu nel conflictu armáu del Donbass y acusáu de graves crimes de guerra y acosu a grupos minoritarios del país. Esos foron los motivos que llevaron, tres de presión exercida polos aficionaos del clú, a la cancelación de les negociaciones que’l Rayo Vallecano caltenía con elli. Anguañu xuega col Albacete Balompié, onde nun duda en facer apoloxía de les sos ideoloxies.

Tanto los aficionaos del Uviéu como munchos del Sporting amosaron ya la so disconformidá col fichaxe d’esti xugaor por parte de cualisquier equipu asturianu, solicitando a la direutiva l’equipu que se paralicen darréu les negociaciones.

Nuria Prendes

This work is licensed under a Creative Commons Attribution 4.0 International License.