• Portada
  • >
  • Sociedá/Llaboral
  • >
  • Presentada nos tribunales arxentinos la Querella de SUATEA contra la represión franquista a los mayestros asturianos

Presentada nos tribunales arxentinos la Querella de SUATEA contra la represión franquista a los mayestros asturianos

  • 3 Xullo, 2018

Esta selmana fíxose entrega de la documentación oficial apurrida por SUATEA pa faese presentes na Querella, que tien como oxetivu acabar cola impunidá de la dictadura de la que se dignifica l’exemplu que supón la trayeutoria d’aquellos profesionales de la ensiñanza qu’acabaron careciendo estremaes formes de opresión, entregando mesmo les sos vides


Como ye sabío, el 14 d’abril de 2010 interpúnxose una querella énte los tribunales de xusticia de la República Arxentina coles mires de que s’investiguen los crímenes cometíos polos integrantes de la dictadura franquista, s’identifique a los sos responsables y se sancionar penalmente.
Amparaos na llexislación internacional de la ONU sobro Xusticia Universal, víctimes del franquismu presentaron nel Xulgáu Nacional no Criminal y Correccional Federal Nro. 1, de Bonos Aires, República Arxentina, al cargu de la Xueza María Servini de Cubría, la Querella 4591/2010 por xenocidiu y/o crímenes de lesa humanidá cometíos pola dictadura franquista.
Primeramente foi presentada por familiares d’asesinaos y sumíos mientres dicha dictadura, tantu por asociaciones españoles y arxentines, pero los querellantes pueden ser tantu particulares como coleutivos que guarden dalgún tipu de relación coles víctimes de la represión. D’esta miente, participen tantu persones descendientes de persones afeutaes (asesinaos, encarcelaos, esiliaos, inhabilitaos, etc.) como organizaciones polítiques y sindicales en nome de los sos afiliaos, que carecieron la represión nel so momentu. Inclusive organizaciones que nun esistíen nesos años tamién tán personandose, en cuantes que representantes o heriederos de coleutivos que fueron reprimíos, como ye’l casu de SUATEA.
Ye sabueío que la represión franquista cebóse especialmente en dellos colectivos por ser consideraos allegaos al réxime republicanu. Un d’esos grupos que careció la represión foi’l coleutivu docente. La resultancia foi un descensu notable nel númberu de maestros y maestres; n’Asturies ente asesinaos, presos, esiliaos ya inhabilitaos pa volver exercer el maxisteriu, más d’un 33% de los docentes dexaron de selo.
SUATEA ñació en 1978, dempués de dellos años de trabayar na clandestinidá impuesta pola dictadura franquista. Naquella dómina súpose de la esistencia, en décades anteriores, d’una Asociación de Trabayadores d’Ensiñanza n’Asturies (ATEA) formada por docentes comprometíos con una educación nos valores republicanos polo qu’acabaron siendo afeutaos pola represión franquista namás finar la guerra civil.
SUATEA presentóse na Querella a partir del trabayu y collaboración con grupos como La Comuña d’Asturies que foi quien los punxo en contautu cola rede de sofitu a la querella a nivel estatal (CEAQUA). Cola so mediación presentaron énte’l Xulgáu de Bonos Aires un llistáu compuestu polos nomes y apellíos de 101 persones, mayestros na so inmensa mayoría. Trátase d’estremaos casos ente los que s’atopen execuciones estraxudiciales y paseos o personal que sufrió les consecuencies de Conseyos de Guerra, representando una amuesa de los carecimientos que careció’l personal docente n’Asturies tres la entrada de les tropes franquistes.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies