¿McLAREN, llaceria irreparable o proyeutu futurista?

  • 27 Xuño, 2018

 

Yá basta de cuentos chinos, dicen los fans de la escudería inglesa, mentantu’l coche de los de Woking nun dexa de deceicionar carrera tres carrera

McLaren trai ente manes un nueu proyeutu aerodinámicu. El terceru d’esti campeonatu, ensin llegar entá a la novena prueba. En collechando dos abandonos siguíos nel urbanu de Montecarlo y el semiurbanu Gilles Villeneuve, na ciudá canadiense de Montreal, pal asturianu Fernando Alonso, unos llamentables 14 y 16 puestu pal so compañeru y escampeón de la fórmula 2 Stoffel Vandoorne y un doceavu pal Belga y dieciseisavu pal Asturianu nel polémicu circuitu francés de Paul Ricard, con toques na salida del gran premiu y tamién na del safety car, na que tuvo un toque col so esrival Sebastian Vettel.

 

Dende McLAREN tendríen d’entender la vergoña qu’esto supón pa un bicampión del mundiu (qu’amosó tener capacidá pa ganar munchos más si la fortuna lu acompañare). Y pa la segunda escudería más galardonada de la hestoria. Tres de Ferrari y delantre de Williams (que tampoco demuestra tar nel so meyor intre, siempres al fondu de la parrilla mientres esta temporada) Tres del escandalu  les chocolatines, yá nun saben ónde metese en Woking; pasen de ser la cuarta fuerza d’esti campionatu, a tar per detrás d’una Sauber lliderada pol nueu talentu monegascu Charles Leclerc, lluchando con ellos, colos Williams y los Toro Rosso por nun ocupar la cabera plaza de parrilla en namás 7 carreres. Podemos deducir, qu’a Eric Boullier devásalu tener que lliderar una escudería de tala hestoria.

Y ye que Mclaren trai de nueu un alerón delanteru anováu. Y tornen a prometer podios y victories. Teniendo anguañu una aerodinámica enforma inferior a la de los sos compañeros de motor, Renault y Red Bull. siendo Renault los que más evolucionaron nesta temporada. Y lRed Bull los que son los reis de l’aerodinámica d’esti campionatu. Pero perdieron tola credibilidá tres cuatro años de vienta de fumos, problemes de motor y de drag (resistencia’l coche a la frición aérea) y unos problemes direutivos d’alta importancia.

Dende Woking, lleguen al Gp d’Austria ensin nenguna esperanza per parte de los fans nin de la so  pareya de conductores.

Nel Dos Santos

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies