Denuncien a Glovo por usar falsos autónomos

  • 14 Xunu, 2018

Trabayaores de Glovo ya’l sindicatu CSI vienen de facer un comunicáu nel que denuncien les práutiques fraudulentes de la empresa de repartu Glovo

Nel comunicáu, que foi lleíu delantre’l Campuamor, denunciaron la utilización por parte de Glovo de la figura’l falsu autónomu, como cabera estafa de la patronal, “na que la empresa obtién tolos beneficios, al nun tener trabayadores en plantiya, y toles ventayes de que lo seyan na práctica”. Pal trabayaor esto implica la inesistencia d’un  conveniu que marque’l salariu mínimu o cualquier otru drechu, como les baxes por enfermedá o maternidá, les vacaciones pagues, p ente otres coses, dificultando amás la organización de les trabayaores pa desixir condiciones llaborales dignes.

La campaña Valió de falses autónomes, de la CSI, surdió pa dar rempuesta a esta forma nueva d’esplotación y yá lleva delles victories algamaes.
Nel casu de la recién aportada a Asturies Glovo, el sindicatu vien d’interponer una denuncia n’Inspección de Trabayu.

Glovo tien cuatrocientes persones emplegaes en plantiya y más de siete mil repartidores que, en bici, moto o coche, entreguen los productos de toa triba de establecimientos a domiciliu. Los glovers nun son trabayadores de la empresa sinón, según la so definición, ‘collaboradores’. En realidá la definición que meyor s’axusta al so modelu empresarial ye la de falsos autónomos, ya qu’ufren un serviciu de repartu a domiciliu, pero nun tienen repartidores na plantiya.

Los repartidores tan obligaos a  dase d’alta n’autónomos, teniendo que pagar del so salariu la cuota. Sicasí, trabayen pa la empresa so la so organización, control, subordinación y disciplina, siendo la empresa la qu’organiza horarios y distribuye los repartos. Glovo facilíta-yos la infraestructura necesaria pa poder facer el trabayu (por exemplu, les mochiles de repartu col llogu distintivu) ya imparte formación previa. Y son despedíes ensin indemnización si incumplen los criterios de puntuación de la empresa.

“Glovo esplota y precariza a toles trabayadores, comete un fraude contra la Seguridá Social y practica competencia deslleal pa con otres empreses de repartu. Así ye como consigue los beneficios millonarios” concluyen.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies