Ñaz el movimientu GüeliGaites

  • 13 Xuño, 2018

La versión asturiana de los yayoflautas ya tan na cai pa defender los drechos sociales y puxar por un meyor llugar onde vivir les vinientes xeneraciones

Los GüeliGaites defínense a si mesmos como un movimientu de persones madures dimpuestes a defender les llibertaes, los llogros sociales y los drechos coleutivos “a los que nun podemos nin queremos arrenunciar”.

Independientes de cualisquier organización relixosa o política, el so apueste ye una defensa activa de los servicios públicos, desixendo la calidá de lo que ye común frente a quien busca namás el beneficiu propiu.

Los sos principios son la xusticia social, les llibertaes, la solidaridá ya’l trabayu coleutivu col envís de camudar l’actual modelu social ya económicu, que definen comu “impuestu, incaltenible ya insolidariu, que, na so busca del máximu beneficiu, convierte a les persones en mercancía y expolia los recursos llindaos del planeta.”

Pa ello denunciarán toa inxusticia, buscando alternatives escontra una sociedá más xusta, solidaria y respetuosa col mediu ambiente.

Una de les sos primeres aiciones foi l’encontu a la campaña contra el bloqueu a GAZA, acompangando la llegada de parte de la Flotina de la Llibertá al puertu de Xixón.

Aconceyaránse tolos llunes (al sol, al agua, al vientu) de magar les 18:30, na Plaza 6 d’Agostu de Xixón y conviden a participar a toos aquellos que quieran dexar n’herencia a los sos descendientes una Asturies ya un mundiu meyor.

Llucía F. Marqués

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies