La sanidá privao va ganando posiciones

  • 12/06/2018

El desdexamientu de la sanidá pública, los recortes, les llistes d’espera, l’infradiagnósticu, la saturación de los hospitales… l’abandonu de lo público va dando’l so frutu y quien puede págase una cobertura sanitaria privao

En menos d’un llustru la cifra d’asturianos que decidieron contratar sanidá privao subió un siete por cientu, algamando ya al 13% de la población del país: 133.776 privilexaos que conseguirán una atención mélica de calidá, frente a los más o menos 900.000 restantes que carecerán les incomodidaes ya insuficiencies, en munchos casos mortales, d’un sistema intencionadamente’n decadencia.

Once cientros, el 55% de la rede hospitalaria d’Asturies ye privao, ello ye, el 13% de la población adscrita a esta sanidá cuenta con más medios que’l 73% restante. Un cuartu de les operaciones y cuasi’l 13% de les urxencies son xestionaes pola sanidá privao.

Asina lo amuesa l’informe del IDIS, Istitutu pal Desendolcu ya integración de la Sanidá: 6.000 asturianos por añu deciden incorporase a la privada. Con una población envieyecío, el deterioru del sistema públicu asturianu -con esperes de más de dos meses pa consultes y de fasta un añu pa prebes diagnostiques-  obliga a munchos enfermos a tomar esta decisión, non solo por mor d’una meyor calidá de vida, sinon en dellos casos, por una cuestión de vida o muerte.

Amás, non solo se privatiza la sanidá a nivel personal, el SESPA tien concertao bona parte de la so actividá sanitaria a traviés d’entes privaos: Xove, Cruz Roxa, Adaro, Avilés…un total de 101 millones de euros destinaos añalmente a l’asistencia sanitaria con medios ayenos.

 

Nuria Prendes

 

Comparti esta noticia

This work is licensed under a Creative Commons Attribution 4.0 International License.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

InfoAsturies

noticies d'Asturies
n'asturianu

Actualidá de los conceyos, llingua, cultura, economía, mediu ambiente y derechos sociales.

Quién somos y llinia editorial

Esti sitiu utiliza cookies. Consulta la política de cookies pa conocer los sos usos.

ACEPTAR
Aviso de cookies