Asturies: Turismu de saldu

  • 6 Xunu, 2018

Va más de venti años una campaña d’Andecha Astur avisaba: Turistes, “Asturies nun ta’n venta”. Güei nun solo tamos a la venta, sinón que somos l’Outlet d’Europa

El “Informe de Tendencias de Verano 2018”, recién presentáu pol portal de turismu TripAdvisor, anuncia a Asturies como ún de los destinos de branéu más baratos de la Península, con tarifes d’allugamientu bien perbaxo de la media.

Seique los destinos costiegos son los más demandaos y Asturies cunta con más de doscientes sableres, namás Xixón tien unos precios que s’asemeyen a la media estatal. La capital, Uviéu, tien un preciu mediu per nueche 30 euros más económicu que la media y si comparamos con allugamientos más rurales alcontramos ensin dificultá auténticos chollos.

Amás del allugamientu baratu, el turismu tampoco dexa n’Asturies tantes perres comu cabría suponese de tola masificación que, añu tres añu, estroza los nuesos paisaxes, faciéndo imprauticables los puntos más emblemáticos. Un enfoque probetayu, orientáu más a la cantidá qu’a la calidá -del que ye bon exemplu l’espoxigue del turismu de borrachera y despidíes que carez Xixón- ensin poner en valor les particularidaes y señes d’identidá propies, qu’atraeríen un turismu cultural, de calidá y económicamente rentable, va llevando pali que pali a Asturies a ser un parque temáticu de si mesma. Eso sí, mui apañáu de preciu.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies