• Portada
  • >
  • Asturies
  • >
  • Andecha Astur retruca a les declaraciones por falta de mélicos n’Asturies

Andecha Astur retruca a les declaraciones por falta de mélicos n’Asturies

  • 4 Xuño, 2018

 

“Lo qu’hai que faer ye contratar más presonal sanitariu y ampliar el númberu places de Melecina y de MIR n’Asturies”

Ante les caberes declaraciones del Conseyeru de Sanidá, Francisco del Busto, proponiendo peonaes sanitaries “pa paliar los efeutos de la falta de profesionales ca vegada más acuciante” y d’Alejandro Braña presidente del Colexu Oficial de Mélicos d’Asturies, que resaltaba “la dificultad del relevu”,  la formación política retruca qu’esti problema “Resolveráse aumentando’l númberu de places na Facultá Melecina y de MIR -mui per baxo de la media estatal- contratando a los mélicos que fain falta y nun faciendo emigrar a la nuesa mocedá”

El desequilibriu pente’l númberu de profesionales que s’incorporen a la actividá añalmente n’Asturies y los que la dexen ta prevocando, según les autoridaes, un problema de falta de personal mélicu que “nun se va a resolver de un plumazu”.

Les midies que se proponen a curtiu plazu son el retrasu de la xubilación (a los 65 años) de los facultativos y l’aumentu del horariu llaboral de los mélicos perriba les 8 hores, soluciones que nun faen prever precisamente una meyora de la calidá d’atención mélica.

Pa Andecha Astur la falta de profesionales mélicos deriva direutamente de los númberos clausus de la facultá de melecina d’Uviéu (de la qu’anantes salíen cuasi dosmil titulaos por añu), ya’l drásticu recorte na convocatoria de places MIR, mui perbaxo de la media estatal.

No que coinciden Andecha Astur y Alejandro Braña ye na valoración del tercer factor de descensu nel númberu de mélicos n’Asturies: la precariedá llaboral ya económica que se carez n’Asturies, en xeneral, y nel seutor mélicu, en particular, lleva a munchos titulaos a preferir trabayar fuera del país.

La falta de profesionales de la melecina y l’allargamientu de les llistes d’espera ye especialmente grave con una población envieyecío como la asturiana, onde la demanda d’atención ye especialmente fuerte -y urxente- en determinaos departamentos, comu traumatoloxía o cardioloxía, precisamente los que mayores llistes d’espera acumulen.

Llucía F. Marqués

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies