La escritora Helena Trexu Fombella, aporta esta vegada a otru arte nuevu, entrando nesti casu al mundiu de la imaxen cola so primer Amuesa de Semeyes

El vienres 25 de mayu inauguróse la amuesa de semeyes d’Helena Trexu Fombella, artista conocía fasta agora nel ámbetu de la lliteratura asturiana pola calidá de los sos poemes y cuentos pa la reciella.

Nesti casu, a traviés de la so cámara l’autora amuesa  la so especial sensibilidá, que la lleva a atrapar nes sos semeyes imáxenes enllenes de llume, tocando temes tan aparentemente estremaos comu la mar, el chicolate o los xitanos, pero espeyando en tola so obra la so fonda esmolición social y la so xunión cuasi mística cola natura. La esposición complétase con una riestra de semeyes antigües y dellos testos de l’autora qu’acompañen a les imáxenes.
L’amuesa tará abierta hasta’l 7 de xunu de mañana y tardi na sala de la Caja Rural de Xixón na cai Álvaro de Albornoz, 1 al llau del Paséu la Infancia, Xixón.

Redaición InfoAsturies

This work is licensed under a Creative Commons Attribution 4.0 International License.