• Portada
  • >
  • Conceyos
  • >
  • Llamuerga na Llamorgal (o les ventaxes de pescanciar la toponimia)

Llamuerga na Llamorgal (o les ventaxes de pescanciar la toponimia)

  • 27 Mayu, 2018

Baldumac, el que se definía a si mesmu como “El mayor festival de música y esporte d’Asturies”, canceláu por nun pescanciar el mensaxe de la toponimia

El eventu cellebrábase en Llamorgal, topónimu tornáu pol procesu d’españolización que careció tola toponimia asturiana en “La Morgal”, perdiendo tol conteníu comu nome.

La pallabra ya lo dicía.

Llamorgal: Sust. Sitiu onde hai llamuerga  [Entemez d’agua y barru que se forma nos caminos, nos terrenos]

Con esi cenciellu datu, los organizadores de Baldumac tendríen camentao meyor onde facer un eventu de 3 díes, con más de 15 disciplines esportives, conciertos ya esposiciones, en plena primavera asturiana.

L’ambiciosu proyeutu vinose abaxo el mesmu vienres, cuando’l bastiazu de lluvia previu al conciertu fizo desistir al grupu estrella, Maldita Nerea, seique l’otru grupu, Taburete, decidió actuar pa los asistentes qu’aguantaren  la lluvia, eso si, dos hores más tarde.

El sábadu la organización avisó de la cancelación al traviés de les redes, lo que prevocó la indignación de munchos asistentes que nun s’enteraron fasta tar a la mesma puerta’l festival “Podríen avisar a traviés de mail, a los que merquemos la entrada por internet” declaraba N.D.F., quien fore en tren con un grupu de collacios fasta Llanera p’acudir al festival.

Los afeutaos poles cancelaciones protesten pola falta d’información, pola dificultá pa conseguir les fueyes de reclamaciones y pola negativa a tornar les perres a los asistentes al conciertu del vienres, llamentando tamién que s’esborrien dellos de los comentarios negativos nes redes sociales del festival.

La organización promete la devolución de les perres de les entraes y llamenta la cancelación, alegando que yera “imprevisible”. Lo dicho, con un bon conocimientu de la toponimia y la llingua asturianes y col parte metereolóxicu na man, yera de lo más previsible.

Llucía F. Marqués

This work is licensed under a Creative Commons Attribution 4.0 International License.

1 Comment Already

  1. Claro oh, porque ese es el unico prao que se embarra cuando llueve.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies