La entrega de les beques Severo Ochoa acumula seis meses de retrasu

  • 22 Mayu, 2018

Estes beques, que’l “Principado” convoca añalmente pa cubrir gastos de proyeutos d’investigación d’estudiantes de la Universidá d’Uviéu, faense esperar tamién nesta convocatoria

Va pocos díes un informe amosaba que la Universidá asturiana suspende na so contribución al desendolcu d’Asturies. Una de les poques víes coles que UNIOVI participa na gueta de meyores pa la sociedá asturiana ye a traviés de les beques Severo Ochoa, coles que se financien proyeutos d’investigación desendolcaos por estudiantes y xente mozo.

Sicasí, cuasique tolos años los estudiantes de doctoráu de la Universidá d’Uviéu que dependen d’esti mediu pa financiar los sos programes, vense forciaos a denunciar los retrasos na concesión de les beques Severo Ochoa, daqué que bloquea numberosos proyeutos d’investigación nos que se ta trabayando. L’Añu pasáu achacaron el retrasu a “torgues alministratives ya resueltes”.

Esti añu la entrega d’eses beques acumula ya seis meses de retrasu que paecen dir allargase, ya qu’entá nun entamó’l procesu d’evaluación de les solicitúes previu a la so concesión. Esto ye posible por mor d’una redaición de les bases de la convocatoria que permite una interpretación flesible de los plazos d’entrega.

Los afeutaos, toos investigadores mozos, denuncien qu’esto nun ye casual y que d’esti mou’l “Principado” ta precarizando a sabiendes la educación y la investigación n’Asturies”.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies